Lean vásihan illasteami. Maid dál dagan?
Norsk
English
Sámi
Jus don vásihat dahje leat vásihan seksuála illasteami, lea dehálaš ahte don muitalat dan geasa nu geasa luohttát. Dalle sáhtát don oažžut veahki.
Gii sáhttá veahkehit du?
Vaikke vel leatge eahpesihkkar ahte lei go illasteapmi man vásihit, ja vaikke vel lea áigá go dáhpáhuvai, de sáhtát oažžut veahki.
Váldde oktavuođa soapmásiin oažžun dihte veahki áddet ja hálddašit dan mii lea geavvan, ja gávnnahan dihte ahte háliidatgo váidit dan.
Dát sáhttet veahkehit du:
- Veahkaválddi- ja illastanlinjá 116 006 lea veahkkelinjá buohkaide geat vásihit veahkaválddi dahje illasteami lagaš gaskavuođain.
- Siiddus Helsenorge.no lea oppalašgeahčastat das makkár veahkit gávdnojit.
- Dinutvei.no lea nationála ofelaš veahkaválddi ja illasteami oktavuođas. Dáppe gávnnat veahkkefálaldagaid mat leat du lahkosis, dieđuid ja máhtu veahkaválddi birra lagaš gaskavuođain, veagalváldima ja eará seksuála illastemiid birra.
- Du fástadoaktáris lea buorre gelbbolašvuohta veahkaválddi čuolmmain.
- Illastuvvomiid vuostáiváldin
- Guovddáš inseastta ja seksuála illastemiid vuostá (SMISO) Senter mot incest og seksuelle overgrep
- DIXI Resursaguovddáš illasteami vuostá/ / Ressurssenter mot voldtekt
- Politiijat sáhttet veahkehit du gávnnahit háliidatgo váidit ášši
Norggas dus lea riekti oažžut golbma diimmu čanakeahtes ja nuvttá veahki advokáhtas, ovdal mearridat háliidatgo váidit seksuála illasteami politiijaide.
