Hála minguin anonyman

Norsk
English
Sámi

Dá lea veahkkebálvalus gos sáhtát psykologas oažžut bagadallama čálašeami bokte, itge dárbbaš almmuhit gii don leat. Dáppe sáhtát hállat dan birra mii du fuolastahttá.

Bálvalus lea gitta dál. Rabasáigi lea árgabeivviid gaskal dii. 12:00 ja 14:00

 Čálaš psykologain

Anonymavuohta ja personsuodjalus go čálašat minguin

Sáhtát čálašit minguin Gávdno veahkki bálvalusas muitalkeahttá gii don leat. Dus ii dárbbaš leat geavaheaddjiprofiila.

Mii geat leat ráđđeaddin čálašeamis sáhttit dušše oaidnit daid dieđuid maid don almmuhat iežat birra ságastallamis.

Čálašan-ságastallan mii dus lea, krypterejuvvo ja ságastallama sisdoallu jávkaduvvo dakkaviđe go ságastallan loahpahuvvo. Jus don háliidat dan, de sáhtát sihkkut dan maid leat čállán ovdalaš ságastallamis ja joatkit čálašeami.

IP-čujuhus ja áigemuddu goas álggahit čálašeami sestojuvvo dattege 7 beaivvi, ja sihkkojuvvo dasto automáhtalaččat. Maŋimuš cealkkaoasis Jávohisvuođageaskus ja diehtojuohkin- ja heađuštangeatnegasvuođa vuolde sáhtát lohkat mii lea sivvan dasa ahte dat sestojuvvo 7 beaivvi.

Miehtan vurket dieđuid  

Sáhttá geavvat ahte jerrojuvvot sáhttitgo mii vurket dieđuid ságastallamis sierra dokumentii (Triage). Lea áibbas eaktodáhtolaš ja jus it mieđa de ii váikkut dat du vejolašvuhtii oažžut rávvagiid dahje diimmu dikšui.  Dieđut geavahuvvojit árvvoštallat bálvalusa ja dutkamii. Du identitehta ii čatno mange láhkai daid dieđuide mat vurkejuvvojit dokumentii. 7 beaivvi maŋŋá sihkkojuvvo IP-čujuhus, ja vurkejuvvon dieđut leat dan rájes áibbas anonyma.  Das rájes ii leat vejolaš guorrat dieđuid ruovttoluotta dutnje. Telefovdnaságastallamat eai báddejuvvo.

Diŋgot diimmu dikšui

Jus háliidat diimmu dikšui poliklinihkas, fertet muitalit nama ja persovdnanummara, vai sáhtát registrerejuvvot dearvvašvuođadoaimmahaga pasieantajournálavuogádahkii. Dieđut du birra gieđahallojuvvojit garra jávohisvuođageaskkuin. Jus it háliit almmuhit persovdnadieđuid čálašeami bokte, sáhtát riŋget diŋgot diimmu.

Jávohisvuođageasku ja dieđihan- ja heađuštangeatnegasvuohta

Ráđđeaddit geaiguin čálašat Gávdno veahkki bálvalusas leat dearvvašvuođabargit, ja sis lea jávohisvuođageasku. Jávohisvuođageasku mearkkaša ahte mii galgat suddjet du personsuodjalusa. Seammás lea mis dieđihan- ja heađuštangeatnegasvuohta. Praktihkalaččat mearkkaša dat ahte mii leat geatnegahtton dieđihit heahtebálvalusaide jus mii oaivvildat ahte sus geainna mii ságastallat lea riska vahágahttit iežas dahje earáid dahje ahte son boahtá čađahit dihto duođalaš ráŋggáštahtti daguid, nu mo seksuála illasteami mánáid vuostá. Jus politiijat ožžot mis dieđáhusa, de sii muhtin dilálašvuođain gurret IP-čujuhusa heađuštan dihte ráŋggáštahtti daguid mat sáhttet leat várran heggii dahje dearvvašvuhtii.

Loga eanet Personsuodjalusa ja anonymavuođa birra.