Leatgo vuorjašuvvan gean nu ektui gean dovddat?

Norsk
English
Sámi

Seksuála illasteapmi vahágahttá mánáid. Jus leat vuorjašuvvan ahte geas nu gean dovddat leat seksuála jurdagat mánáid birra, lea dehálaš ahte válddát vuorjašumi duođas

Buot rávisolbmot leat lága bokte geatnegahtton geahččalit hehttet ahte mánát vásihit veahkaválddi ja illasteami.

Seksuála illasteapmi máná vuostá lea dávjá plánejuvvon dahkku, mas olmmoš dađistaga ja áiggi badjel njeaidá cakkiid alddis ja mánás.

Earáide sáhttá leat váttis fuomášit ahte dát dáhpáhuvvá. Dađi deháleabbo lea ahte ii duššin daga dovddu, jus lea fuolastuvvan geasa nu.

Sáhttá leat ovdamearkka dihte ahte don imaštat ahte rávisolbmos lea oktavuohta mii ii oro heivvolaš mánáin ja lea menddo intiima, dahje ohcala arenaide gos leat mánát, muhto gosa rávisolbmot rievtti mielde eai heive, dahje leat cealkámušat mat dagahit ahte olmmoš fuolastuvvá.

Olbmot geain leat seksuála jurdagat mánáid birra sáhttet leat vaikke guđe lágan olbmot, buot agiin ja máŋgasis lea guoibmi. Eatnašat geat illastit, dovdet ja/dahje leat lagaš fuolkkit mánáin, muhto amasolbmot sáhttet maid illastit.

Gávdno veahkki bálvalusas fállat mii oppalaš ja nannenvuđolaš divššu olbmuide geain lea riska ahte illastit. Buot min pasieanttaide fállojuvvo fátmmastit oapmahaččaid dikšui, jus sii háliidit dan. Oapmahaččat sáhttet vásihit ahte lea noađđin leat dakkár dilálašvuođas, muhto sáhttá dagahit ahte pasieanta vásiha positiiva rievdamiid ja unnida riskka ahte son illasta.

Gávdno veahkki lea fálaldat man vuođus lea eaktodáhtolašvuohta ja olmmoš geasa guoská ferte ieš váldit minguin oktavuođa oažžun dihte veahki. Dađibahábut eat sáhte mii ásahit oktavuođa olbmuiguin dieđuid vuođul maid earát addet.

Leatgo fuolastuvvan ahte muhtimis gean don dovddat leat seksuála jurdagat mánáid birra?

Mii áddet ahte lea váttis dilálašvuohta ja sáhttá leat noađđin olbmui. Dilálašvuođas sáhttá leat eahpesihkkarvuohta ja heađástuvvan.

Jus eahpidat, váldde oktavuođa minguin čálašeami bokte. Mii veahkehat du sirret jurdagiid ja rávvet maid berret dahkat.

Jus balahat ahte mánná vásiha seksuála illasteami, de fertet dieđihit politiijaide. Sáhtát riŋget 02800, mannat iežat báikkálaš politiijastašuvdnii dahje geavahit tips.politiet.no


GÅ UT