Diŋgo diimmu dikšui
Norsk
English
Sámi
Don fertet almmuhit persondieđuid go diŋgot divššu ja mii fertet jearrat dus muhtin jearaldagaid.
Bálvalus lea gitta dál. Rabasáigi lea árgabeivviid gaskal dii. 12:00 ja 14:00
Diŋgo diimmu čálašeami bokte
Diŋgo diimmu telefovnna bokte
Oslo universitehtabuohcciviessu: 800 99 900. Olámuttos árgabeivviid dii. 09.00 - 15.00 (dušše diibmodiŋgojupmái).
Stavanger Dearvvašvuohta / Helse Stavanger: 51 51 41 40/ 95 79 99 86. Olámuttos árgabeivviid dii. 08.00-15.30.
https://helse-stavanger.no/avdelinger/klinikk-psykisk-helsevern-voksne/det-finnes-hjelp
Bergen Dearvvašvuohta / Helse Bergen: 55 95 61 70. Olámuttos árgabeivviid 09.00 - 15.00.
Davvi-Norgga Universitehtabuohcciviessu (regionála fálaldat): 901 78 865. Olámuttos árgabeivviid 09.00 - 15:00.
https://helse-nord.no/behandlingssteder/det-finnes-hjelp
Helse Midt, St.Olavs Hospital
Tlf: 905 18 415.
Dikšofálaldaga birra
Dikšofálaldagas lea individuála ságastallanterapiija psykologain dahje psykiáhteriin. Dikšu čađahuvvo ovtta min poliklinihkain.
Fálaldat lea dutnje gii leat badjel 18 jagi, geas lea seksuála beroštupmi mánáide, itge háliit čađahit daguid dan vuođul. Mii diehtit ahte olusat vásihit ahte lea váttis eallit buori eallima go lea dakkár beroštupmi.
Don deaivvadat divššáriiguin geain lea gelbbolašvuohta justa dán fáttás, ja geat háliidit bargat dáinna pasieantajoavkkuin. Divššárat dihtet ahte pasieanttat geain lea seksuála beroštupmi mánáide dábálaččat eai daga maidige iežaset jurdagiid vuođul.
Dikšu váldá ovdan du individuála dárbbuid ja dikšu heivehuvvo dutnje – sihke dan dáfus mii divššu sisdoallu lea, man dávjá don dárbbašat divššu ja man guhká. Divššu ulbmil lea nannet du eallinkvaliteahta ja iešheanalašvuođa, ja seammás eastadit seksuála illastemiid mánáid vuostá.
Dutnje fállojuvvo čuovvuleapmi go dikšu lea loahpahuvvon, jus don háliidat dan.
Dál fállojuvvo dikšu Oslo universiteahtabuohcciviesus, Stavanger Dearvvašvuođas (Helse Stavanger), Bergen Dearvvašvuođas (Helse Bergen) ja Davvi-Norgga Universitehtabuohcciviesus. Dát njeallje dearvvašvuođadoaimmahaga fállet divššu olbmuide miehtá riikka dassážii go 2021:s ásahuvvo dikšofálaldat Gaska-Norgga Dearvvašvuhtii.
Iežasoassi lea 375 ruvnnu 2021:s. Telefovdna- ja videokonsultašuvnnain lea seamma haddi.
Loga eanet iežasoasi birra Helsenorge.no neahttasiiddus.
Háliidatgo diehtit eanet dan birra mo dikšu čađahuvvo?
Leatgo dus seksuála jurdagat mánáid birra? Váldde minguin oktavuođa, de mii veahkehat du sirret jurdagiid, dahje diŋgo divššu dál.
