Mus leat seksuála jurdagat mánáid birra ja mun in háliit ahte mus galgá leat nu. Heivego munnje dikšu?
Norsk
English
Sámi
Dábálepmosit eat sáhte mii mearridit maid mii dovdat. Dan maid mii baicce sáhttit stivret lea mo mii láhttet iežamet ja earáid vuostá.
Soaitá don dieđát ahte it goassige boađe dahkat maidige iežat seksuála jurdagiiguin mánáid ektui, ja ahte ii leat dárbu vuorjašuvvat daid jurdagiid ektui mat dus leat mánáide. Mii diehtit dattege ahte sáhttá leat hui váttis eallit dákkár jurdagiiguin, ja ahte muhtimiid mielas lea nu váttis daid gieđahallat ahte bilidišgohtet iežaset ovdii.
Bávččaga ballat iežas dovdduin ja sávvat ahte váttisvuohta iešalddis beare nohkká. Bálvalusas Gávdno veahkki sáhtát juogadit iežat jurdagiid geainna nu gii duođaid háliida guldalit maid muitalat, ja addit dutnje konstruktiivvalaš veahki hálddašit sihke váttis jurdagiid ja eallima muđui.
Seksuála jurdagat mánáid birra sáhttet dagahit ráfehisvuođa ja balu. Erenoamážit jus dovddat ahte lahkonišgoađát máná danne go dus leat seksuála jurdagat dan birra.
Jus leat muhtin dihto mánát geaid birra smiehtat ollu, sáhttá leat mearkan dasa ahte leat joavdan muhtin muddui proseassas illastit.
Dábálepmosit leat illasteamit mánáid vuostá plánejuvvon dagut, ja lahkoneapmi dáhpáhuvvá áiggi badjel.
Jus balat ahte sáhtát illastit, de sáhtát oažžut veahki. Buot deháleamos lea áiggil ohcat veahki.
Mii ávžžuhat du váldit oktavuođa minguin jus okta dahje máŋga dáid čuovvovaš cealkámušain heivejit dutnje:
- Mun ražan váttis jurdagiiguin mat leat čatnon seksuála beroštupmái mánáide
- Mus leat váttisvuođat stivret iežan beroštumi dahje geasuheami mánáide
- Mus lea leamaš seksuála beroštupmi mánáide guhkit áiggi badjel
- Mun lean illastuvvon seksuálalaččat mánnán ja geasuhuvvon ieš mánáide
Min bálvalusas sáhtát čálašit ráđđeaddiiguin, geat leat spesialisttat dán suorggis. Mii sáhttit veahkehit du sirret jurdagiid.
Min luhtte sáhtát maid diŋgot diimmu dikšui poliklinihkas. Dus ii dárbbaš leat čujuhus fástadoaktáris iige earáin. Dat áidna maid don dárbbašat dahkat lea gaskkustit ahte don háliidat veahki.
Váldde minguin oktavuođa, de mii veahkehat du viidásat.
