Maid mun sáhtán vuordit divššus?
Norsk
English
Sámi
Divššus deaivvadat divššáriiguin geain lea spesiálamáhtu justa dán fáttás, ja geat dihtet ahte pasieanttat geain lea seksuála beroštupmi mánáide dábálaččat eai daga maidige iežaset jurdagiid vuođul.
Dikšu dáhpáhuvvá poliklinihkas ja lea individuála ságastallandikšu psykologain dahje psykiáhteriin.
Ceahkit divššus
Vuosttaš ságastallamis divššus lea guovddážis mii lea sivvan dasa ahte háliidat divššu. Divššár guorahallá ovttas duinna makkár hástalusat ja vuordámušat dus leat dikšui, ja čilge eanet das mo dikšu čađahuvvo ja maid dat mielddisbuktá.
Boahtte ceahkis divššus de hálla divššár duinna muhtin guovddáš fáttáid birra, maid birra lea dehálaš diehtit eanet vai don sáhtát oažžut justa dan divššu man don dárbbašat.
Dikšu váldá ovdan du individuála dárbbuid ja dikšu heivehuvvo dutnje – sihke dan dáfus man dávjá don dárbbašat divššu ja man guhká. Divššu ulbmil lea nannet du eallinkvaliteahta ja iešheanalašvuođa, ja seammás eastadit seksuála illastemiid mánáid vuostá.
Dutnje fállojuvvo čuovvuleapmi go dikšu lea loahpahuvvon, jus don háliidat dan.
Váldde oktavuođa minguin geat bargat Gávdno veahkki bálvalusas dahje diŋgo divššu dál dakkaviđe.
